གནམ་བྱཱར་གྱི་སྐབས་ཟླཝ་ཕྱེད་དང་གཉིས་བཞུགས་དགོ་པའི་རྒྱབ་ཁུངས། ༉ ང་བཅས་རའི་རྒྱལ་ཁབ་འདི་ཆོས་དང་ལྡན་པའི་རྒྱལ་ཁབ་ཅིག་འབདཝ་ལས་ རྒྱལ་ཁབ་ནང་ཡོད་པའི་ གྲྭ་ཚང་དང་ བཤད་གྲྭ་མང་རབས་ཅིག་ནང་ ཟླཝ་ཕྱེད་དང་གཉིས་ཀྱི་རིང་ དབྱར་གནས་སྲུང་གནང་དོ་ཡོདཔ་ཨིན་མས། དབྱར་གནས་སྲུང་ནིའི་སྲོལ་དེ་ སྟོན་པ་སངྱས་བཅོམ་ལྡན་འདས་ཀྱིས་ རྒྱ་གར་རྡོ་རྗེ་གདན་ལུ་ སངས་རྒྱས་ཞིནམ་ལས་ དགེ་སློང་ཚུ་ལུ་ཆོས་ཀྱི་འཁོར་ལོ་བསྐོར་ཏེ་ བཞུགས་པའི་སྐབས་ འཚོ་བ་འཇིག་རྟེན་པ་ཚུ་ལས་ བསོད་སྙོམས་ལྷང་སྟེ་ བཞུགས་དགོཔ་བྱུང་ནུག། དེ་བསྒང་ དགེ་སློང་ཚུ་བསོད་སྙོམས་ལྷང་པར་ ཕར་ཚུར་འགྱོ་བའི་སྐབས་ རྐངམ་གིས་འབུབ་ཚུ་བསད་དོ་ཡོདཔ་ལས་ ཕྱི་རོལ་མུ་ཏིག་པ་ཚུ་གིས་ ནང་པའི་ཆོས་འབད་མི་ཚུ་ལུ་ ཁ་བཏང་མི་ལུ་བརྟེན་ སངྱས་བཙོམ་ལྡན་འདས་ཀྱིས་ ཕྱི་རོལ་པའི་འཕྱར་ཁ་བཟློག་ཐབས་ལུ་ གནམ་བྱཱར་གྱི་དུཤ་ཚོད་ལུ་ དགེ་སློང་ཚུ་ ཕར་ཚུར་འགྱོ་མ་ཆོག་པར་ ཚུལ་ཁྲིམས་ཡང་དག་པར་བསྲུང་སྟེ་ ཆོས་འབད་བཅུག་ཡོདཔ་ཨིན་པས། དབྱར་གནས་སྲུང་པའི་སྐབས་ དགེ་སློང་ཚུ་ གྲྭ་ཚང་དང་ བཤད་གྲྭའི་ཕྱོགས་བཞི་ལས་བརྒལ་ཏེ་ འགྱོ་མ་ཆོག་པའི་ཁར་ དེ་གི་སྐབས་ གསོ་སྦྱོང་ཡན་ལག་བཞི་ དེ་ལས་ དགག་དབྱེ་བཞི་ཟེར་བསྲུང་ནི་ཡོདཔ་ཨིན་པས། བསྙེན་གནས་ཡན་ལག་བརྒྱད་ཀྱི་ སྡོམ་པ་དེ་ཡང་ སྲོག་གཅོད་པ་དང་མ་བྱིན་པ་ལེན་པ་ མི་ཚངས་སྤྱོད་པ་ རྫུན་སྨྲ་བ་ ཆང་སྤང་བ་ ཕྱི་དྲོ་ཁ་ཟས་སྤང་པ་ གར་སོགས་གསུམ་དང་ ཕྲེང་སོགས་གསུམ་སྤང་སྟེ་ ཚུལ་ཁྲིམས་ཉམས་སུ་བླང་དགོཔ་ཨིན་པས།

 

མཁན་ཆེན་དཀར་པོ་མཆོག་ལ་ན་མོ།

༉   མཁྱེན་ནོ་ མཁྱེན་ནོ་ བླ་མ་མཁྱེན།།

    ང་ཡི་དྲིན་ཆེན་བླ་མ་མཁྱེན།།

    བདུད་འཇོམས་མཆོག་གི་ཐུགས་སྲས་ལགས།།

    མཁན་ཆེན་དཀར་པོའི་ཞབས་ལ་འདུད།།

    

སྐུ་རི་མདོ་བཞིའི་ལུངས་ཕྱོགས་སུ།།           

སྟ་སྐད་ལའི་སྐེད་པར་ལུ།།

བྱིན་ཅན་གུརུའི་སྐུ་འདྲ་ཆགས།།

ཟངས་མདོག་དཔལ་རི་དབྱེ་བ་མེད།།

      ནང་རྟེན་དུ་ཆོས་ལོངས་སྤྲུལ་གསུམ་བཞུགས།།

      ཕྱིིའི་ལྟར་དུ་ཨྱོན་དངོས་སུམ་འཇལ།།

      རང་ལས་ངན་ཅན་གྱི་སྡིག་ཅན་ལུ།།

ཨྱོན་གུ་རུའི་སྐུ་འདྲ་འབྱིན་ཅན་ཆེན་མོ།

      གུ་རུའི་འབྱིན་རླབས་གནང་བར་གསོལ།།

        མཁན་ཆེན་ཁོ་རས་སྙན་གྲགས་དང་།།

        ཕ་ཡུལ་ཨིན་ཟེར་མེན་པར་བཞིན།།

        སྤྱིར་འཛམ་གླིང་གཞི་བདེ་དོན་ལུ་ཟེར།།

        གསུངས་པ་ཙམ་གིས་ཡ་མཚན་ཆེའོ།།

                        རང་ལུས་ངག་ཡིད་གསུམ་ཁྱེད་ལུ་ཕུལ།

                        ནག་པོའི་ལམ་ལས་སྐྱབས་ཏུ་གསོལ།།

                        ཚེ་ཕྱི་མ་ཟངས་མདོག་དཔལ་རི་ལུ།།

                        སྐྱེས་ཚུགས་པའི་གདམ་ངག་རང་ལ་ཞུའོ།།

 

 

 

 

   

   

 

་

རྡོ་རྗེ་་སློབ་དཔོན་རིན་པོ་ཆེའི་ཞབས་ལས་ མཐོ་རིམ་ཤེས་ཚད་ཀྱི་ལག་འཁྱེར་ཞུ་བའི་མཐོང་སྣང་ངོ།

སྐྱབས་རྗེ་རིན་པོ་ཆེ་མཆོག་གིས་ སྤྱི་ལོ་ ༢༠༡༤ ཟླ་༨ པའི་ཚེས་ ༨ ལུའམ་ འགོ་བཙུགས་གནང་ཡོད་པའི་ སེམས་དོན་རིག་པའི་སྤེལ་ཁང་དེ་ རྒྱབ་ཁབ་ཀྱི་ངོ་རྟགས་དང་ ཐུན་མོང་མ་ཡིན་པའི་ལྟ་བ་ རྒྱལ་ཡོངས་དགའ་སྐྱིད་དཔལ་འཛོམས་ཀྱིས་རྩ་བ་ ལུས་སེམས་ལེགས་བཅོས་འབད་ནི་དང་ གཙོ་བོ་ཞི་བདེ་དང་འཆི་བ་མེདཔ་ སྙིང་རྗེ་དང་རང་སེམས་བཏུལ་ནི་ཚུ་ སངྱས་པའི་ཆོས་འབདཝ་ལས་ གཞུང་གྲྭ་ཚང་གིས་འགོ་འདྲེན་ཐོག་ སློབ་སྦྱོང་འདི་ནང་ལུ་ བློ་དམན་པ་རང་ཡང་ འཕྲོ་མཐུད་ཤེས་ཡོན་པ་སྦེ་ ལོ་ངོ་བཞི་གི་རིང་ལུ་ བར་ཆད་སོགས་མེད་པར་ ཤོ་ཐེངས་ གསུམ་པའི་ མཐོ་རིམ་ཤེས་ཚད་མཐར་འཁྱོལ་གྱི་མཛད་སྒོ་ནང་ རྡོ་རྗེ་སློབ་དཔོན་རིན་པོ་ཆེའི་ཞབས་ལས་ ལེགས་དར་དང་ལག་འཁྱེར་ཞུ་བའི་སྐབས་ ང་བཅས་ཚུ་ལུ་ཞལ་བཀོད་གནང་བའི་ནང་གསལ་ སྤེལ་ཁང་གི་དམིགས་ཡུལ་དེ་ འབྲུག་པའི་མི་སེར་ཚུ་ ཆོས་ཀྱི་ལྟ་བ་ལུ་ གོམས་འདྲིས་ཚུད་བཅུག་ནི་དང་ སྐྱབས་རྗེ་ རྗེ་མཁན་མཆོག་གི་ཐུགས་ཀྱི་དགོངས་བཞེད་ཚུ་རིམ་པར་གྲུབ་སྟེ་ ཞི་བདེ་དང་དགའ་སྐྱིད་ཚད་མེད་ཀྱི་ལམ་ལུ་གནས་ཐབས་དང་ མ་འོངས་ན་གཞོན་ཚུ་ ཡ་རབས་ཀྱི་བསམ་སྤྱོད་བཟང་པོའི་ རིག་རྩལ་མཐར་འཁྱོལ་ཅན་ཅིག་ལུ་འགྱུར་ཐབས་ལུ་ཨིན་ཟེར་གསུངས་གནང་ཡི།

སྐལ་བ་ཅན་གྱི་མི་ངོམ།

མཇུག་རང་ སྤེལ་ཁང་གི་མཁན་ཆེན་གྱི་གཙོས་པའི་སློབ་དཔོན་རྣམས་དང་ འབྲུག་གི་གདམ་ཁ་ཅན་གྱི་འཁོན་འདུམ་ལྟེ་བའི་ཡིག་ཚང་གི་ གཙོ་འཛིན་དང་འགོ་དཔོན་ཡོངས་ལུ་དང་ རང་གི་ཕམ་སྤུན་ཆ་ གཉེན་གྲོགས་ ཆ་རོགས་ཚུ་གིས་ ད་ཚུན་གྱི་རིང་ལུ་རྒྱབ་སྐྱོར་གང་དྲག་མཛད་གནང་མི་ལུ་ སེམས་ཀྱི་ཧིངས་ལས་དགའ་འཚོར་དང་ ད་ལས་ཕར་འབད་རུང་ རང་གིས་དད་དམ་གཙང་མའི་སྒོ་ལས་ རྩ་བ་གསུམ་ལུ་སྔར་བ་ལྷག་པའི་ཕྱག་འཕྱིད་ཞུ་རྒྱུའི་ཁས་བླངས་ཕུལ་ནི་ཨིན་ལགས།

༼སློབ་ཁང་གི་ཉིནམ་དང་པ༽

 སྤེལ་ཁང་གི་སྨོན་ཚིག།

༉   ད་རེས་ སྤྱི་ཚེས་ ༡༥.༠༢.༢༠༢༠ ལུ་ ནམ་དགུན་གྱི་ངལ་གསོ་ ཟླ་ངོ་ ༠༢ དེ་ཅིག་སྡོད་པའི་ཤུལ་ སློབ་ཁང་གི་ཉིནམ་དང་པ་འགོ་བཙུགསཔ་ཨིན། ང་བཅས་འཕྲོ་མཐུད་ཤེས་ཡོན་སྦྱངས་མི་ ཉམས་རོགས་ཚུ་གི་དོན་ལུ་ཉིནམ་འདི་གནམ་མེད་ས་མེད་ ཁག་ཆེ་ཏོག་ཏོག་ཅིག་ཨིནམ་མ་ཚད་ ང་དྲོ་པ་མལ་ཆ་ནང་ལས་གཉིད་ཚོརཝ་ཅིག་ སེམས་ལུ་འཚོར་བ་གཞན་དང་མ་འདྲཝ་ཅིག་ཤར་ཡི། དེ་ལས་ དུས་ནམ་རང་འབད་རུང་ སེམས་ཅན་ཡོངས་ལུ་ཐུགས་རྗེ་གཟིགས་མི་ དཀོན་མཆོག་གསུམ་ལུ་ ལུས་ལུ་ནཱ་ཚ་དང་ སེམས་ལུ་སྡུག་བསྔལ་སོགས་མེད་པར་ ལུས་བདེ་ཡི་ངང་ལུ་སྡོད་ཚུགས་མི་ལུ་ ལུས་ངག་ཡིད་གསུམ་གྱི་སྒོ་ལས་ བཀའ་དྲིན་ཆེ་ཟེར་གསོལཝ་བཏབ་ཅི།

དེ་མ་ཚད་ རང་ལུ་བཀའ་དྲིན་ཆེ་བའི་ཕམ་གཉིས་དང་ སློབ་ཁང་གི་མཁན་ཆེན་གྱི་དབུ་གཙོས་པའི་སློབ་དཔོན་ཡོངས་ སྤུན་ཆ་ གཉེན་འགྲོགས་ཚུ་ལུ་ བྱམས་བརྩེ་དང་རྒྱབ་སྐྱོར་གནང་མི་དང་ ལྷག་པར་དུ་ཡང་ སློབ་ཁང་གི་ཉམས་རོགས་ཚུ་གི་ སྤུན་ཆ་ཨིན་པའི་དུས་ཤེས་བསྐྱེད་གནང་མི་ལུ་བཀའ་དྲིན་ཆེ་ཟེར་ གདོང་ལུ་དགའ་འཛུམས་དང་བཅས་པའི་སྒོ་ལས་ ཉིནམ་དང་པ་འདི་ནང་ལུ་གཞན་དང་མ་འདྲ་བའི་དགའ་བ་འབྱུང་ཡི།

སྤེལ་ཁང་གི་ལས་རྟགས།

དྲོ་པ་ཚུ་ཚོད་ ༩:༣༠ ལུ་ རྒྱལ་ཁབ་ནང་ བཀའ་དྲིན་ཅན་གྱི་ཕམ་ ཞབས་དྲུང་རིན་པོ་ཆེ་མཆོག་གི་ རྫོང་ཆེན་དང་པ་སེམས་རྟོག་ཁ་རྫོང་བཞེངས་གནང་མི་ ས་གནས་ནང་ལྷོད་པའི་ཚེ་ སྤྱིར་སེམས་ཅན་ཐམས་ཅད་ འཁོར་བའི་སྡུག་བསྔ་རྒྱ་མཚོ་ཆེན་པོ་ལས་འགྲོལ་ཏེ་ མཐར་ཐུག་སངྱས་ཀྱི་འགོ་འཕང་ལུ་འཐོབ་བཅུ་ཟེར་དང་ རྒྱལ་ཁབ་ནང་ལུ་ཤེས་ཡོན་སྦྱངས་མི་སློབ་ཕྲུག་ཡོངས་དང་ ང་བཅས་ཉམས་རོགས་ཚུ་ལུ་ རྐྱེ་ངན་འབྱུང་མ་བཅུ་ གྲུབ་འབྲས་ལེགས་ཤོམ་འབྱུང་བཅུ་ཟེར་ སྨོན་ལམ་བཏབ་ཅི།

ང་བཅས་སེམས་ཅན་ཡོངས་ཀྱི་ མཐར་པ་སངྱས་ཀྱི་ལམ་བསྟོན་པ་ སངྱས་དངོས་ རྡོ་རྗེ་འཆང་གི་ཁྲི་ཐོགས་པ་ སྐྱབས་རྗེ་རིན་པོ་ཆེ་མཆོག་གི་ ང་བཅས་སློབ་ཕྲུག་ཚུ་གི་མཐའ་དོན་ལུ་གཟིགས་ཏེ་ སེམས་དོན་རིག་པའི་སྤེལ་ཁང་ཟེར་ ནངས་པའི་ཆོས་ཀྱི་སློབ་སྦྱོངས་དོན་ལུ་ གཞི་གཙུགས་མཛད་དེ་ཡོད་མི་ནང་ བློ་དམན་པ་རང་གི་ཡང་འདི་ནང་ལུ་ གསེར་ལས་དཀོན་པའི་འགོ་སྐབས་འཐོབ་ཚུགས་མི་འདི་ བསྐལ་བ་བཟང་ཡི་ བཀའ་དྲིན་ཆེ་ཟེར་ཞུ་ནི། རང་གི་འབད་རུང་ གསེར་ལས་དཀོན་པའི་འགོ་སྐབས་འཐོབ་པའི་རྗེས་སུ་ ཉིན་མཚན་མེད་པར་ བརྩོན་ཤུགས་བསྐྱེད་དེ་ སྦྱངས་བརྩོན་འབད་ནི་ཨིན་ཟེར་བའི་ མཁས་བླངས་ཕུལ་ནི་དང་ ལོ་ངོ་གཉིས་ཀྱི་ནང་འཁོད་ལུ་ རྐྱེ་ངན་འབྱུང་མ་བཅུ་ཟེར་ སྨོན་ལམ་བཏབ་ནི་ཨིན་ལགས།

སྐྱེས་བ་ཅན་གྱི་མགོན་པོ་ཚེ་རིང་།

ལེགས་བཤད་ལས། རིག་པར་ནང་པར་འཆི་ཡང་བསླབ།། ཚེ་འདིར་མཁས་པར་མ་འགྱུར་ཀྱང་།། སྐྱེ་བ་ཕྱི་མར་བཅོལ་བ་ཡི།། ནོར་ལ་རང་ཉིད་ལེན་པ་འདྲ།། ཟེར་གསུངས་སོ།།

༼འཛམ་གླིང་དགའ་མཐུན་གྱི་ཉིནམ༽

༉   དུས་རྟག་ཏུ་ སྤྱི་ཟླ་ ༠༢ པའི་ཚེས་ ༡༤ འདི་ སྤྱིར་བཏང་འཛམ་གླིང་ནང་ལུ་ དགའ་མཐུན་གྱི་ཉིནམ་ཟེར་ རང་གི་དགའ་བའི་མི་དང་མཉམ་ ཡུན་རིང་དུ་གཅིག་ཁར་གནས་ནིའི་དོན་ དུས་བསྟོན་བརྩིས་སྲུང་ཞུཝ་ཨིན་པས། དེ་མ་ཚད་ ང་བཅས་རའི་རྒྱལ་ཁབ་ནང་ལུ་ཡང་ ཉིནམ་འདི་གནམ་མེད་ས་མེད་ཁག་ཆེ་ཤོས་གཅིག་མེན་རུང་ དགའ་མཐུན་ཡོད་མི་ཚུ་གི་དོན་ལུ་ དུས་བསྐལ་བཟང་པོ་གཅིག་སྦེ་བརྩིས་སྲོལ་ཡོདཔ་བཞིན་དུ་ རང་གིས་ཡང་ ང་རའི་དགའ་མཐུན་བུམོ་རོགས་ སངྱས་ལྔ་འཛོམས་ལུ་ ཧིངས་ལས་རང་དགའ་བའི་བརྩོམ་གཅིག་བྲིས་ནི་ཨིན།

༡༽   སྔོན་ལས་སྨོན་བཟང་པོའི་འབྲས་བུ་ལས།།

ས་དགའ་བ་སེམས་རྟོག་ཁ་ལུ་སྨོ།།

ངོ་འདྲི་ཤེས་མེད་དེ་འབད་རུང་རང་།།

དགའ་མཐུན་གཉིས།

ཨའེ་གཅིག་ཁར་འཛོམས་པ་སེམས་རེ་དགའ།།

ནམ་སེར་ཁ་ཤར་བའི་མེ་ཏོག་འདི།།

རོགས་གསེར་སྦྱང་དམངས་ཀྱི་སྤྱོད་ས་མས།།

ངེའི་མིག་ལུ་མཛེས་པའི་བུམོ་ཁྱོད་ཡང་།།

ཨའེ་ཚེ་གཅིག་ངེ་ཡི་་ཧིང་གཏན་ཨིན།།

མ་གཞི་དུས་བཞི་འགྱུར་ས་ཡོད་རུང་།།

ངེའི་སེམས་དང་ཁྱོད་སེམས་འགྱུར་ཐབས་མེད།།

ཨའེ་འགྱུར་བ་མེད་པའི་ཁ་ཚིག་འདི།།

དུས་ད་རེས་རྡོ་གུར་འབྲིས་ནི་ཨིན།།

དགའ་སེམས་འགྱུར་བར་མེད་པའི་སྨོན་ལམ།།

ད་རེས་དགའ་མཐུན་གཉིས་ཀྱིས་བཏབ་དགེ།།

བསྐལ་པ་བརྒྱ་ལུ་གནས་པའི་གླུ་དབྱངས།།

དུས་རྟག་ཏུ་བག་ཆགས་བཞག་ནི་ཨིན།།

༼ངེའི་གཟུགས་ཀྱི་གྱིབ་མ༽

༉   ང་བཅས་རའི་མི་ཚེ་འདི་ནང་ གཅིག་གི་གཅིག་ལུ་མཐོང་ཚུགས་པའི་གཟུགས་ཀྱི་གྱིབ་མ་འདི་ གནམ་མེད་ས་མེད་ཁག་ཆེ་ཤོས་ཅིག་ཨིནམ་ལས་ ལུས་ངག་ཡིད་གསུམ་གུས་པའི་སྒོ་ལས་ གུས་ཞབས་འབད་དགོཔ་འདི་ཡང་ལམ་སྲོལ་བཟང་པོ་གཅིག་ཨིན་ཟེར་ཞུ་ནི།

དགའ་བའི་བུམོ་ སངས་རྒྱས་ལྔ་འཛོམས།

    ངེའི་གཟུགས་ཀྱི་གྱིབ་མ་འདི་ ག་དེ་སྦེ་འོང་ཡོདཔ་ཨིན་ན་ དེ་གི་སྐོར་ལས་སྲུང་ཁ་གསལ་སྦེ་ཞུ་བ་ཅིན་ སྤྱི་ལོ་ ༢༠༡༢ ལོར་ ང་གི་སློབ་རིམ་༡༢ པ་འདི་ རྒྱལ་ས་ལྟེ་བ་ཐིམ་ཕུག་ལུ་ཆགས་ཡོད་པའི་ སྒེར་གྱི་སློབ་གྲྭ་ རིན་ཆེན་སློབ་གྲྭ་ཟེར་ གནམ་མེད་ས་མེད་མཆོག་འགྱུར་གྱི་སློབ་གྲྭ་གཅིག་ཨིན་པའི་ཁར་ འདི་ནང་ལུ་བཞུགས་ཡོད་པའི་ཕྱི་ནང་གཉིས་ཀའི་སློབ་དཔོན་ཡང་ བྱམས་རྩེ་ལྡན་པའི་ཁར་ ཡོན་ཏན་ལུ་མཁས་མཆོག་ཚུ་ལས་ ཡོན་ཏན་ཞུས་ནི་གོ་སྐབས་འཐོབ་མི་ལུ་ ང་རང་ཡང་བསྐལ་བ་བཟང་པོའི་ སློབ་ཕྲུག་གཅིག་ཨིན་པས་ཟེར་ཤེས་རྟོགས་བྱུང་ཡི།

    དེ་ལས་ སློབ་རིམ་༡༢ པའི་ ཆོས་རྒྱུགས་ཀྱི་གྲུབ་འབྲས་ ཁྱབ་བསྒྲགས་འབད་ཡོད་པའི་གནས་ཚུལ་ཐོས་པའི་ཤུལ་ ཆོས་རྒྱུགས་ཀྱི་གྲུབ་འབྲས་ཡང་ མཁས་འཕགས་ཀྱི་གྲལ་མ་ཚུད་རུང་ རང་གི་འོས་འབབ་དང་ལྡནམ་གཅིག་འཐོབ་ཚུགས་མི་འདི་ལུ་ སེམས་དགའ་རུང་ ང་རའི་རེ་འདོད་དང་འཁྲིལ་ སློབ་དཔོན་སློབ་སྦྱོངས་ཀྱི་གོ་སྐབས་མ་འཐོབ་རུང་ ང་བཅས་རའི་མི་ཚེ་ནང་ ཁག་ཆེ་བའི་ཁྲིམས་དོན་གཙུག་ལག་འོག་མའི་ སློབ་སྦྱོངས་ འཛིན་སྐྱོང་སློབ་སྡེ་སེམས་རྟོག་ཁ་ལས་ སྦྱངས་བརྩོན་འབད་ནིའི་གོ་སྐབས་འཐོབ་ཚུགས་མི་འདི་ ངེའི་མི་ཚེ་ནང་དགའ་བ་སྦོམ་ཤོས་གཅིག་ཨིན་ཟེར་ཞུ་ནི།

དགའ་བའི་བུམོ་ སངས་རྒྱས་ལྔ་འཛོམས།

    འཇིག་རྟེན་པའི་དཔྱེ་གཏམ་ནང་ལས་ཡང་ མི་དང་བསྟུན་པའི་བཟའ་གྲོགས་ ཤིང་དང་བསྟུན་པའི་ཤ་མུ་ཟེར་སླབ་དོ་བཟུམ་ འཛིན་སྐྱོང་སློབ་སྡེ་ནང་ལྷོད་པའི་སྐབས་ལས་ ངེའི་སེམས་ལུ་གཞན་དང་མ་འདྲ་བའི་དགའ་བ་འབྱུང་ཡི་ དེ་ཡང་ ས་གནས་ཁག་སོ་སོ་ལས་འབྱོན་པའི་ཆ་རོགས་ཚུ་དང་འཕྱད་ ག་ཅི་འབད་རུང་གཅིག་བསྒྲིལ་ཐོག་ལས་ གཅིག་གི་གཅིག་ལུ་ཤ་ཞེན་ཐོག་ལས་སྡོད་དེ་ ཁྲིམས་དོན་གྱི་སློབ་སྦྱོངས་འགོ་བཙུགས་ཅི། དེ་སྦེ་ཕམ་གཅིག་གི་བུ་གཞི་བཟུམ་སྦེ་ གཅིག་ཁར་འཛོམས་ཚུགས་མི་འདི་ ཚེ་སྔོན་གྱི་ལས་འཕྲོ་ཨིནམ་ལས་ གཅིག་གི་གཅིག་ལུ་གུས་ཞབས་བསྐྱེད་དགོཔ་འདི་ཁག་ཆེ་བས་ཟེར་ཞུ་ནི།

    ཟླ་ངོ་དག་པ་གཅིག་གི་རྒྱབ་ལས་ ངེའི་སེམས་ཡང་ བུམོ་སངས་རྒྱས་ལྔ་འཛོམས་ཟེར་མི་ལུ་ སེམས་ཀྱི་ཧིངས་ལས་དགའ་བའི་ཁར་ མོ་གིས་ཡང་ང་ལུ་དགའ་བས་ཟེར་ ང་བཅས་གཉིས་པོ་གཟུགས་དང་གྱིབ་བཟུམ་གཅིག་ལུ་འགྱུར་ཡར་སོང་ཡི། ང་གིས་ཤེས་མོ་བུམོ་གཞན་དང་རྩ་ལས་མི་འདྲ་ དེ་ཡང་ གཉེན་གྲོགས་ལུ་དམ་ཚིག་གཙང་མ་ ཕམ་སྤུན་ཆ་ལུ་བརྩེ་གདུང་ཆེཝ་ལས་ ངེའི་སེམས་ལས་ཡལ་མ་བཅུ་ཟེར་དང་ བྲེལ་བ་མེད་པར་སྡོད་བཅུ་ཟེར་བའི་སྨོན་ལམ་བཏབ་དེ་རང་ཡོད། ངེའི་སེམས་ལས་འབད་རུང་ ང་མོ་དང་མཉམ་གཅིག་ཚེ་གཅིག་ལུས་གཅིག་གི་གཉེན་གྲོགས་འབད་དེ་ མ་ཤིས་ཚུན་གྱི་བར་དུ་སྡོད་ནི་དང་ ངེའི་དགའ་བའི་སེམས་འདི་ཨ་རྟག་བཟུམ་བཞག་ནི་ཨིན།

   

༼གནས་ཚུལ་ཧན་ཤོས༽

༉   མངོན་པར་མཛོད་ལས་ ལས་ལས་འཇིགས་རྟེན་སྣ་ཚོགས་སྐྱེས།། ཞེས་གསུངས་པར་ལྟར། འཇིགས་རྟེན་འདི་ནང་ མི་ལུས་ཐོབ་པའི་དུས་ལས་ མ་ཤིས་ཚུན་གྱི་བར་དུ་སེམས་ལུ་ སྡུག་བསྔལ་སྣ་ཚོགས་མྱོངས་དགོ་པའི་ཁར་ དུག་ལྔ་ལས་བརྟེན་མི་ཚེ་དགའ་སྐྱིད་ཀྱི་ངང་ལུ་སྡོད་མ་ཚུགས་མི་འདི་ཡང་ སེམས་ཅན་རང་སོའི་ལས་ཨིནམ་ལས་ དགའ་བ་དང་སྡུག་བསྔལ་འདི་ལུས་དང་གྱིབ་མ་བཟུམ་སྦེ་ཡོདཔ་ལས་ མི་ཚེ་དགའ་སྐྱིད་ཀྱི་ངང་ལུ་བཟོ་དགོཔ་འདི་ཁག་ཆེ་བས་ཟེར་ཞུ་ནི།   

བུ་ཆུང་མགོན་པོ་ཚེ་རིང་།

ཨའེ་སྨོ་ སྤྱི་ལོ་ ༢༠༡༥ ལོར་ ང་གི་སེམས་རྟོག་ཁ་ རྒྱལ་གཞུང་འཛིན་སྐྱོང་སློབ་སྡེ་ལས་ ཁྲིམས་དོན་གཙུག་ལག་འོག་མའི་སྦྱོང་བརྡར་ མཐར་འཁྱོལ་བའི་རྗེས་སུ་ ད་རེས་ ལོ་ངོ་ ༠༥ ཚུན་གྱི་བར་ན་ གཡོག་ལཱ་གི་དོན་ལུ་ དྲིས་བཀོད་ཀྱི་ལས་རིམ་ནང་ལས་ གཡོག་ཐོབ་ནུག་ཟེར་བའི་གནས་ཚུལ་བཟང་པོ་ཐོས་ནི་ཕར་བཞག་ ཐ་ན་ ང་གིས་དྲིས་བཀོད་ཀྱི་ལས་རིམ་ནང་ ང་རའི་ངོ་སྤྲོད་རང་འབད་མ་ཚུགས་པའི་དཀའ་ངལ་འབྱུངམ་མ་ཚད་ ག་དེམ་གཅིག་རྩ་འགེངས་རུང་ བསམ་བསམ་པའི་ཤིང་ཁར་བྱ་འཁོར་མ་ཚུགསཔ་ལས་ སེམས་ལུ་འཁྲུལ་སྣང་སྦོམ་སྦེ་རང་ལང་ཡི་ཟེར་ཞུ་ནི།

ཨིན་རུང་ ང་གིས་ལཱ་གཡོག་ཆུང་ཀུ་གཅིག་ཨིན་རུང་ སེམས་ཁར་ཚ་གྱ་དང་ ཤ་གཞེན་བསྐྱེད་ཐོག་ལས་ སེམས་ཀྱི་ཧིངས་ལས་ཕྱག་ཞུས་ཏེ་སྡོད་མི་གཅིག་ཨིན། རང་སེམས་དཀརཔོ་ལུ་ལས་འབྲས་མེན་ ཡི་དམ་ལྷ་ཡིས་བཀོ་མི་བཞག་ཟེར་སླབ་དོ་བཟུམ་ ད་རེས་ སྤྱི་ཚེས་ ༠༡.༡༠.༢༠༡༩ ལུ་ ང་ལུ་སྐྱབས་གནས་དཀོན་མཆོག་གསུམ་གྱི་གཟིགས་ཡོདཔ་ལས་ ངེའི་སེམས་ལུ་དགའ་བ་གཞན་དང་མ་འདྲ་བའི་ཚོར་སྣང་བྱུངམ་མ་ཚད་ ད་ལས་ཕར་ ལུས་ངག་ཡིད་གསུམ་ དཀོན་མཆོག་གསུམ་ལུ་ཕུལ་ཏེ་ གཞུང་དང་མི་སེར་ལུ་ ཟམ་བཟུམ་མའི་ཕྱག་འཕྱིད་ཞུ་ནི་ཨིན་པའི་ ཁས་བླངས་ཕུལ་ནི་དང་ མུན་པ་ནང་སྡོད་པའི་ཚེ་ རྒྱབ་སྐྱོར་གནང་མི་ལུ་ ངེའི་ཕམ་སྤུན་ཆ་དང་ ཆ་རོགས་ དེ་མ་ཚད་ ངེའི་དགའ་བའི་བུམོ་ལུ་ཡང་ སེམས་ཀྱི་ཧིངས་ལས་དགའ་འཚོར་དང་ ལྷག་པར་དུ་ཡང་ འབྲུག་གི་གདམ་ཁ་ཅན་གྱི་འཁོན་འདུམ་ལྟེ་བའི་གཙོ་འཛིན་དང་ལས་འབྱེདཔ་ཡོངས་ཀྱིས་ བློ་སེམས་གཅིག་སྦེ་ ད་རེས་ང་མང་བའི་སྦུག་ལས་བཙག་ ཉུང་པའི་སྦུག་ལས་གདམས་ཏེ་ ཁྲིམས་དོན་ཞིབ་རོགས་སྦེ་ བཙག་འཐུས་གྲུབ་གནང་མི་ལུ་ བཀའ་དྲིན་ཆེ་ཟེར་ཞུ་ནི། ད་ལས་ཕར་ ང་ལུ་གཞན་དང་མ་འདྲ་བའི་འགན་འཁུར་ཕོགས་ཡོད་མི་ཚུ་ སེམས་ཁར་བཀལ་ཏེ་ཕྱག་ཞུ་ནི་དང་ ངེའི་སེམས་ཁར་གཞན་དང་མ་འདྲ་བའི་དཔའ་ཉམས་ཤར་ཏེ་ཡོད་ཟེར་ཞུ་ནི་ལགས།