༼སྐྱབས་རྗེ་ཡིད་བཞིན་ནོར་བུའི་གསུང་རྩོམ་བྱིན་ཅན༽
 |
| སྲིད་དང་ཆོས་ཀྱི་སྐྱབས་མགོན། |
དགོན་བཟང་ཁྲ་མོའི་ནང་དུ།། བླ་མ་བརྒྱ་དང་རྩ་བརྒྱད།།
མཁྱེན་བརྩེ་ནུས་གསུམ་ལྡན་ན།། མཚན་ལྡན་བླ་མར་ཞུ་ཆོག།།
རྫོང་ཆེན་ཁྲ་མོའི་ནང་དུ།། དབང་ཆེན་བརྒྱ་དང་རྩ་བརྒྱད།།
མི་སེར་བདེ་བར་སྐྱོང་ན།། དཔོན་བཟང་ཆོས་ཀྱི་རྒྱལ་པོ།།
 |
| སྐྱབས་རྗེ་རིན་པོ་ཆེ་མཆོག། |
བུ་ཚར་བསླབ་སྟོན་མཁས་ན།། བྱམས་ལྡན་ཕ་མའི་ཡང་རྩེ།།
དྲིན་ཅན་ཨ་མའི་ཕང་དུ།། གཅེས་ཕྲུག་བརྒྱ་དང་རྩ་བརྒྱད།།
ཕ་མར་དྲིན་ལན་མཇལ་ན།། བུ་བཟང་བསོད་ནམས་ཡར་འཕེལ།།
གཡུས་བཟང་ཁྲ་མོའི་ཕྱོགས་ལ།། ཕོ་མོ་བརྒྱ་དང་རྩ་བརྒྱད།།
གཉེན་གྲོགས་དམ་ཚིག་ཐུབ་ན།། གཞུང་བཟང་མི་ཡི་དཔའ་འོ།།
མགྲིན་བཟང་སྐད་སྙན་ནང་དུ།། གླུ་དབྱངས་བརྒྱ་དང་རྩ་བརྒྱད།།
ཚིག་དོན་ཕུན་ཚོགས་བྱུང་ན།། ལྷ་མི་དགྱེས་པའི་མཆོད་དབྱངས།།
རང་སེམས་འཁྲུལ་པའི་ནང་དུ།། བསམ་བློ་བརྒྱ་དང་རྩ་བརྒྱད།།
གཞན་ཕན་སེམས་བཟང་ཡོད་ན།། མི་ཡི་ནོར་བུ་ཡིན་ནོ།།
No comments:
Post a Comment